UP student binanatan ang Duterte supporters: Ang kapal ng mukha niyo, gumising na kayo | Change Scamming
Connect with us

Change Scamming

UP student binanatan ang Duterte supporters: Ang kapal ng mukha niyo, gumising na kayo

Stay Woke

UP student binanatan ang Duterte supporters: Ang kapal ng mukha niyo, gumising na kayo

Binanatan ng isang research analyst at MA student ng University of the Philippines ang mga tagasuporta ni President Rodrigo Duterte.

Tinawag ni Kevin Mandrilla ang mga Duterte supporters na “makakapal ang mukha” dahil sa pagbatikos nito sa mga humihingi ng hustisya para sa mga pinatay sa ilalim ng administrasyong Duterte.

Iginiit ni Mandrilla na ang mga Duterte supporters ang “tunay na protektor ng mga kriminal” dahil hindi porke pulis ay hindi na pwede maging salot sa lipunan.

Nanawagan rin si Mandrilla sa kanila na huwag sana mawala ang pagiging tao at Pilipino nila dahil lang sa patuloy na pagmamahal kay Duterte.

Dagdag pa ni Mandrilla na sana magising na sila.

Basahin ang buong Facebook post ni Mandrilla:

Unahan ko na — sa lahat ng magrereklamo sa mga lalaban para sa hustisya, para sa mga batang pinatay sa ilalim ng administrasyon na ito, gusto ko lang sabihin na ang kapal ng mukha niyo. No, seriously, ang kapal niyo.

Oo, kasama diyan ang mga kaibigan o kapamilya ko na mga Ka-DDS. Lalo na ‘yung walang ibang masabi kundi “paano ‘yung mga na-rape?” — kumita na ‘yan. Nagmumukha lang kayong ewan.

Sino bang naiisip niyo na natutulungan ng mga ganyang klaseng statements? ‘Yung na-rape ba? O ang mga abusadong pulis? Kung hindi pa malinaw sa inyo kung ano talaga ang ginagawa niyo, let me do the honor: kayo ang tunay na protektor ng mga kriminal.

Hindi nakapagtataka kung maraming magalit sa mga pulis at sa pattern ng pagpatay. Ang mas nakapagtataka bakit pinipili niyong magbulag-bulagan eh harap-harapan na tayong niloloko ng mga pulis.

Hindi porke’t naka-uniporme ay hindi na pwedeng maging salot sa lipunan. Sana lang ‘yung galit niyo sa mga rapist, eh kasing taas din ng galit niyo sa mga taong kayang pumatay ng bata, saksakin ito ng 30 beses, at itapon sa creek. At sana galit din sa mismong pasimuno. ‘Di niyo ba natatanong kung paano nangyari ito? Hindi niyo ba ma-connect ang mga bagay-bagay?

Sabi nga kung ahas lang ang “pattern” ng pagpatay sa administrasyon na ‘to, eh tinuklaw na kayo. Kahit anong iyak ni Persida Acosta o ni Bato, hindi nila mabubura ‘yan. Davao days pa lang ni mayor ganyan na ang sistema.

Marami nang buhay ang nawala. Ang paghingi ng hustisya para sa biktima ng war on drugs ay hindi nangangahulugan na wala na tayong pakialam sa biktima ng mga ordinaryong krimen. Ang pagtawag na itigil ang patayan ay hindi parehas sa pagsuporta sa drugs. Magkaibang bagay ‘yang mga ‘yan — pero isa ang nais natin: maayos na lipunan na may tunay na rule of law.

Mga tao at Pilipino tayo pare-pareho. Sana ‘wag mawala ang pagiging tao at Pilipino niyo dahil lang mahal niyo ang presidente. Napakababaw. It’s not worth it. Not now. Not ever. Uulitin ko, gumising na kayo.

Click to comment

Leave a Reply

Your email address will not be published. Required fields are marked *

More in Stay Woke

To Top